Sport24.az
Misli Premyer Liqasının XXV turu çərçivəsində bu gün daha iki oyun keçiriləcək. Sport24.az xəbər verir ki, günün ilk matçı Tovuzda keçiriləcək.
"Turan Tovuz" öz meydanında "Zirə"ni qəbul edir. Həm "boz qurdlar", həm də "qartallar" avrokuboklara vəsiqə uğrunda mübarizə aparır. Qonaqlar bu tura qədər 45 xalla turnir cədvəlinin ikinci pilləsində qərarlaşıbsa, 3 xal geridə olan meydan sahibləri 4-cü yerdədir. Tovuzlular matçdan qalib ayrılacağı halda əsas rəqiblərindən biri olan "Zirə" ilə xallarını bərabərləşdirə bilər. Bakıətrafı qəsəbə təmsilçisinin də əsas məqsədi çətin qərb səfərindən xal və xallarla dönmək olacaq.
Qeyd edək ki, oyunun start fiti saat 17:30-da səslənəcək.
Misli Premyer Liqası
III dövrə, XXV tur
17:30. "Turan Tovuz" - "Zirə"
Hakimlər: Elçin Məsiyev, Elşad Abdullayev, Pərvin Talıbov, Fərid Hacıyev
VAR: Nicat İsmayıllı
AVAR: Vüsal Məmmədov
Hakim-inspektor: Orxan Məmmədov
AFFA nümayəndəsi: Anar Şixəliyev
Tovuz şəhər stadionu.
