Sport24.az
Bu gün Premyer Liqanın II turu çərçivəsində daha iki qarşılaşma baş tutacaq. Sport24.az xəbər verir ki, günün ilk matçı Tovuzda keçiriləcək.
Mövsümün ilk həftəsində səfərdə "neftçi" ilə "sülh" bağlayann "Turan Tovuz" 2024/25 "futbol ili"nə "Kəpəz" üzərində qələbə ilə başlayan "Sumqayıt"ı qonaq edəcək. "Boz qurdlar" "doğma divarlar" arasında qələbə qazanıb azarkeşlərini sevindirmək istəyirsə, "kimyaçılar"da ardıcıl ikinci oyunda da meydana 3 xalla tərk etməyi qarşısına məqsəd qoyub.
Qeyd edək ki, görüşün start fiti saat 18:45-də səslənəcək.
Azərbaycan Premyer Liqası
I dövrə, II tur
18:45. "Turan Tovuz" - "Sumqayıt"
Hakimlər: Tural Qurbanov, Müslüm Əliyev, Rahil Ramazanov, Rəvan Həmzəzadə
VAR: Rəşad Əhmədov
AVAR: Şirmamed Mamedov
Hakim-inspektor: Orxan Məmmədov
AFFA nümayəndəsi: Mübariz Hüseynov
Tovuz. Şəhər stadionu
