"Botafaqo" dünya çempionatına qatılacaq sonuncu klub oldu

Futbol üzrə klublar arasında keçiriləcək dünya çempionatının sonuncu iştirakçısı da müəyyənləşib. Sport24.az xəbər verir ki, bu, Brazliya təmsilçisi "Botafoqo" olub.

Rio-De-Janeyro təmsilçisi dünən Libertadores kubokunun finalında "Atletiko Mineyro"ya (Braziliya) qalib gəlməklə (3:1) bu hüquqa yiyələnib.

Qeyd edək ki, klublararası növbəti dünya çempionatı 2025-ci ildə (15 iyun - 13 iyul) ABŞ-da keçiriləcək. Tarixdə ilk dəfə həmin yarışda 32 klub iştirak edəcək.

 Turnirdə - "Çelsi" (İngiltərə), "Mançester Siti" (İngiltərə), "Real" (Madrid, İspaniya), "Atletiko" (İspaniya), "Bavariya" (Almaniya), "Borussiya" (Dortmund, Almaniya), PSJ (Fransa), "İnter" (İtaliya), "Yuventus" (İtaliya), "Porto" (Portuqaliya), "Benfika" (Portuqaliya), "Zalsburg" (Avstriya), "Palmeyras"  (Braziliya), "Flamengo" (Braziliya), "Fluminense" (Braziliya), "Botafoqo" (Braziliya), "River Pleyt" (Argentina), "Boka Xuniors" (Argentina), "Monterrey" (Meksika), "Leon" (Meksika), "Paçuka" (Meksika), "Sietl Saunders" (ABŞ), "İnter Mayami" (ABŞ), "Əl Hilal" (Səudiyyə Ərəbistanı), "Urava Red" (Yaponiya), "Əl Ain" (Birləşmiş Ərəb Əmirlikləri), "Ulsan" (Cənubi Koreya), "Əl-Əhli" (Misir), "Vidad" (Mərakeş), "Sandaunz" (Cənubi Afrika), "Tunis" (Tunis), "Oklend Siti" (Yeni Zelandiya) - kimi klublar turnirin qalibi adı uğrunda mübarizə aparacaq.