"Borussiya" heyətinə yeni müdafiəçi cəlb edib. Sport24.az xəbər verir ki, Dortmund təmsilçisi "Ştutqart"dan Valdemar Antonu "rənglərinə bağlayıb". Bu barədə insayder Fabritsio Romano məlumat yayıb.
"Borussiya" bu transferin reallaşması üçün 22 milyon avro ödəyib. "Sarı-qaralar" 27 yaşlı mərkəz müdafiəçisi ilə 4 illik müqavilə imzalayacaq.
Qeyd edək ki, Valdemar Antonu 2020-ci ilin yayında "Hannover"dən "Ştutqart"a transfer olunub. Müafiəçi ötən mövsüm bu klubun heyətində meydana çıxdığı 37 rəsmi matçda 1 qol və 4 məhsuldar ötürmə ilə yadda qalıb.