Sport24.az
"Beşiktaş"ın sabiq kapitanı Oğuzhan Özyakup karyerası ilə bağlı qərar verib. Sport24.az xəbər verir ki, Niderland təmsilçisi "Fortuna Sittard"ın yarımmüdafiəçisi peşəkar karyerasını başa vurub. Bu barədə 31 yaşlı futbolçu sosial şəbəkə hesablarında məlumat yayıb.
Oğuzhan Özyakup "AZ Alkmar"ın yetirməsidir. O, daha sonra "Arsenal"ın müxtəlif yaş qruplarından ibarət komanlarında çıxış edib.
Qeyd edək ki, 2012-2022-ci illərdə "Beşiktaş"ın formasını geyinən təcrübəli yarımmüdafiəçi "qara qartallar"ın heyətində keçirdiyi 310 rəsmi matçda 35 qol və 62 məhsuldar ötürmə ilə yadda qalıb. Futbolçu Türkiyə millisinin heyətində 43 oyunda meydana çıxıb və 1 qol, 3 assistlə yadda qalıb.
