Sport24.az
"Beşiktaş"ın vitse-prezidenti Mete Vardar Avropa Liqasının Liqa mərhələsinin V turunda "Makkabi"yə (Tel-Əviv, İsrail) qarşı keçirəcəkləri matç haqqında danışıb. Sport24.az Türkiyə mətbuatına istinadən xəbər verir ki, sözügedən matçın keçiriləcəyi yerin ən gec sabaha qədər məlum olacağını deyən Vardar görüşə azarkeşlərin buraxılması üçün cəhdlərinin davam etdiyini bildirib:
"Matçın keçiriləcəyi yer ən gec sabah dəqiqləşəcək. Oyun Macarıstanda və ya Almaniyada oynanılacaq. Oyuna azarkeşlərin buraxılacağı və ya buraxılmayacağı məsələsi də var. Bununla bağlı müraciətlər etmişik".
Qeyd edək ki, İstanbulda keçirilməli olan "Beşiktaş" - "Makkabi" (Tel-Əviv, İsrail) matçının yeri noyabrın 4-d dəyişdirilib. Belə bir qərarın Türkiyə höküməti tərəfindən təhlükəsizlik səbəbindən verildiyi qeyd olunub. Qarşılaşma noyabrın 28-də oynanılacaq.
