"Beşiktaş" heyətini yeni hücumçu ilə gücləndirməyi düşünür. Sport24.az DHA-ya istinadən xəbər verir ki, İstanbul klubu "Sauthempton"a məxsus Pol Onuaçunu transfer etmək istəyir.
"Qara qartallar" nigeriyalı forvard üçün İngiltərə klubuna 15 milyon avroluq təklif göndərib. "Sauthempton" "Beşiktaş"ın təklifinə hələ cavab verməyib.
Qeyd edək ki, Pol Onuaçu 2023/2024 mövsümünü icarə əsasında "Trabzonspor"da keçirib. 30 yaşlı futbolçu Superliqa təmsilçisinin heyətində meydana çıxdığı 25 rəsmi matçda 17 qol və 4 məhsuldar ötürmə ilə yadda qalıb. Onun "Sauthempton"la müqaviləsi 2026-cı ilin yayına kimidir.