Sport24.az
Misli Premyer Liqasının XVI turunun ilk oyun gününə Masazırda yekun vurulacaq. Sport24.az xəbər verir ki, turun mərkəzi matçında "Sabah" "Qarabağ"la üz-üzə gələcək.
Hazırda Ağdam klubu 37 xalla turnir cədvəlinə başçılıq edir. "Sabah" isə 22 xalla beşinci pillədə qərarlaşıb.
Ötən tur Vasili Berezutskinin rəhbərliyi altında çempionatda ilk oyununa çıxan "bayquşlar" 7 matçlıq qələbə həsrətinə son qoydu.
"Süvarilər" isə son 3 turu maksimum nəticə ilə başa vurub. Qurban Qurbanovun komandası sonuncu dəfə 12-ci turda "Turan Tovuz" səfərində xal itirib (0:0).
Qeyd edək ki, bu komandaların ilk dövrədəki oyununda "Qarabağ" 3:2 hesabı ilə qalib gəlib.
Misli Premyer Liqası
II dövrə, XVI tur
18:00. "Sabah" - "Qarabağ"
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov
VAR: Əliyar Ağayev
AVAR: Zeynal Zeynalov
Hakim-inspektor: Ömər Paşayev
AFFA nümayəndəsi: Elçin Məmmədov
Masazır. "Bank Respublika Arena"
