Sport24.az
Bu gün Premyer Liqanın II turuna yekun vurulacaq. Sport24.az xəbər verir ki, 2-ci həftənin son matçı Masazırda baş tutacaq.
Bakıətrafı qəsəbənin eyni adlı komandası "Zirə"ni qəbul edəcək. Həftəiçi ölkəmizi Konfrans Liqasın təmsil edən komandalar bu oyuna fərqli əhval-ruhiyyədə hazırlaşıblar. "Qartallar" çətin Xorvatiya səfərindən heç-heçə ilə döndüyü halda, "bayquşlar" İslandiyada məğlub olublar. Rəşad Sadıqovun komandası həm də mövsümə də 3 xalla start verib. Krunoslav Renduliçin yetirmələri isə ilk görüşdə aktivinə 1 xal yazdırmağı bacarıb. "Qartallar" ardıcıl ikinci qələbəni hədəfləyibsə, "bağquşlar" mövsümdə ilk qələbəsini rəsmiləşdirmək istəyir.
Qeyd edək ki, oyunun start fiti saat 21:00-da səslənəcək.
Azərbaycan Premyer Liqası
I dövrə, II tur
21:00. "Zirə" - "Sabah"
Hakimlər: Əliyar Ağayev, Zeynal Zeynalov, Akif Əmirəli, Əli Əliyev
VAR: İnqilab Məmmədov
AVAR: Eyyub İbrahimov
Hakim-inspektor: Rəhim Həsənov
AFFA nümayəndəsi: Elçin Məmmədov
Masazır. "Bank Respublika Arena"
