Sport24.az
"Santos"un müdafiəçisi Joao Viktor de Souza karyerasını Avropada davam etdirməyə yaxındır. Sport24.az xəbər verir ki, "Çelsi" braziliyalı futbolçunu transfer etmək istəyir.
Bu barədə AS nəşri məlumat yayıb.
London klubu yanvar ayında 18 yaşlı sol cinah müdafiəçisi üçün Braziliya klubuna təklif göndərəcək.
Joao Viktor de Souzanı heyətinə qatmaq istəyən yeganə klub "Çelsi" deyil. Premyer Liqa təmsilçisi gənc oyun üçün "Barselona" ilə mübarizə aparacaq.
Qeyd edək ki, Joao Viktor de Souza "Santos"un yetirməsidir. Braziliya U-17 millisinin üzvü olan istedadlı oyunçu bu mövsüm B Seriyasında keçirdiyi 7 matçda 2 qol ötürməsi ilə yadda qalıb.
