Sport24.az
"Bu yoldaşlıq oyununu mütləq izləyəcəyəm". Bu sözləri Sport24.az-a "Kəpəz"in belaruslu futbolçusu Yeqor Xvalko deyib.
28 yaşlı müdafiəçi Azərbaycan və Belarus yığmaları arasında keçiriləcək yoldaşlıq oyunu ilə bağlı fikirlərini bölüşüb:
"Belarus millisinin heyətində yeni oyunçular var. Bu onların debüt matçı olacaq. Mövsüm də yeni başlayıb. Futbolçular optimal formada deyillər. Məncə, belə bir qarşılaşma hər iki komandaya xeyir verəcək. Bu milli komandalar təxminən eyni səviyyədədirlər".
Qeyd edək ki, martın 25-də "Bank Respublika Arena"da keçiriləcək Azərbaycan - Belarus oyunu saat 21:45-də başlayacaq.
