Sport24.az
"Arsenal"ın 18 yaşlı yarımmüdafiəçisi Ethan Nvaneri İngiltərə Premyer Liqasının 30-cu turunun "Fulhem"lə matçında cari mövsümdə 10-cu məhsuldar ötürməsini edib. Sport24.az "Opta Sport"a istinadən xəbər verir ki, Nvaneri "böyük beşlik"də bu nailiyyətə imza atan ikinci ən gənc oyunçu olub.
Birinci yerdə isə "Barselona"nın futbolçusu Lamin Yamal qərarlaşıb.
Qeyd edək ki, klubun öz yetirməsi olan 18 yaşlı yarımmüdafiəçi 2024/2025 mövsümündə 30 matçda iştirak edib. Nvaneri Premyer Liqada 20, UEFA Çempionlar Liqasında 6 və İngiltərə Liqa Kubokunda 4 oyuna çıxıb.
