İdman.biz
"Sumqayıtda oynamaq hər zaman xoşdur. Azarkeşlər gözəl ab-hava yaradır. Dinamik və hücumameyilli futbol oynadıq".
İdman.biz xəbər verir ki, bunu "Araz-Naxçıvan"ın məşqçisi Rasim Ramaldanov deyib.
Cəzalı Elmar Baxşıyevi əvəz edən Ramaldanov Azərbaycan Premyer Liqasının V turunda "Sumqayıt" üzərində qazanılan 1:0 hesablı qələbəni şərh edib: "Futbolçulara təşəkkür edirəm, bu gün sona qədər mübarizə apardılar. Qoldan sonra bir qədər müdafiəyə diqqət yetirdik. "Sumqayıt"a qarşıdakı oyunlarda uğurlar arzulayıram. Millinin rəsmi oyunlarına görə çempionatda yaranacaq fasilə bizim üçün də fürsət olacaq. Çünki düzəldilməsi lazım olan nöqsanlar, çatışmazlıqlar var, onların uzərində işləyəcəyik. Mümkün qədər xal ehtiyatınızı artırmalıyıq. Yekunda avrokubok zonasına düşə bilsək, şad olarıq".
Qeyd edək ki, qələbə sayəsində "Araz-Naxçıvan" 3-cü pilləyə yüksəlib.
İdman.biz
