Sport24.az
"Araz-Naxçıvan" daha bir itki ilə üzləşib. Spor24.az xəbər verir ki, Naxçıvan təmsilçisinin futbolçusu Vanderson Melo cəzalı duruma düşüb.
Buna 30 yaşlı yarımmüdafiəçinin "Qarabağ"a qalib gəldikləri Azərbaycan Kubokunun yarımfinal mərhələsinin ilk oyununda sarı vərəqə alması səbəb olub. Braziliyalı oyunçu cari mövsüm turnirdə ikinci dəfə bu halla üzləşib. O, aprelin 23-də cavab matçında meydana çıxa bilməyəcək.
Sözügedən matçda komandanın digər legioneri İssuf Paro zədələndiyi üçün əvəzlənmişdi.
Qeyd edək ki, "Araz-Naxçıvan" ilk oyunda rəqibini 1:0 hesabı ilə üstələyib.
