Sport24.az
Misli Premyer Liqasında 24-cü tur davam edir. Sport24.az xəbər verir ki, bu gün daha iki matç keçiriləcək.
Günün ilk qarşılaşmasında "Araz-Naxçıvan" öz meydanında "Səbail" ilə üz-üzə gələcək. Aktivində 44 xalı olan Naxçıvan təmsilçisi turnir cədvəlində ikinci, paytaxt klubu 17 xalla sonuncu - onuncu pillədə qərarlaşıb.
"Səbail" bu matçda qalib gələcəyi halda ən azı bir günlük sonuncu pillədən qurtulacaq.
Bu komandalar arasında əvvəlki iki dövrədə keçirilən oyunların hər ikisində Elmar Baxşıyevin komandası qalib gəlib. İlk dövrədə rəqibinə 2:3 hesabı ilə uduzan "dənizçilər" ikincidə də meydanı məyus tərk edib - 0:2.
Qeyd edək ki, matçın start fiti saat 16:00-da səslənəcək.
Misli Premyer Liqası
III dövrə, XXIV tur
16:00. "Araz-Naxçıvan" - "Səbail"
Hakimlər: Fərid Hacıyev, Müslüm Əliyev, Rəhman İmami, Elvin Bayramov
VAR: Nicat İsmayıllı
AVAR: Cəmil Quliyev
Hakim-inspektor: Rəhim Həsənov
AFFA nümayəndəsi: Asif Əliyev
Mərdəkan. "Liv Bona Dea Arena".
