Sport24.az
Premyer liqanın XXI turunun ikinci oyun gününə Sumqayıtda yekun vurulacaq. Sport24.az xəbər verir ki, şəhərin eyniadlı komandası "Araz-Naxçıvan"ı qəbul edir.
Ötən tur 3 oyunluq məğlubiyyət seriyasına son qoyan Naxçıvan klubu hazırda 42 xalla ikincidir. Elmar Baxşıyevin komandası lider "Qarabağ"dan 8 xal geri qalır. "Sumqayıt" isə 21 xalla 6-cı yerdədir.
Cari mövsümdə bu komandalar arasında baş tutan hər iki görüş Baxşıyevin komandasının minimal hesablı qələbəsi ilə başa çatıb - 1:0 .
Qeyd edək ki, tura sabah keçiriləcək "Zirə" - "Qarabağ" oyunu ilə yekun vurulacaq.
Misli Premyer Liqası
III dövrə, XXI tur
18:30. "Sumqayıt" - "Araz-Naxçıvan"
Hakimlər: Cavid Cəlilov, Müslüm Əliyev, Eyyub İbrahimov, Kamran Əliyev
VAR: Əliyar Ağayev
AVAR: Zeynal Zeynalov
Hakim-inspektor: Ömər Paşayev
AFFA nümayəndəsi: Anar Şixəliyev
Sumqayıt. Mehdi Hüseynzadə adına şəhər stadionu.
