Sport24.az
Bu gün Misli Premyer Liqasında III turdan təxirə salınmış bir oyun keçiriləcək. Sport24.az xəbər verir ki, "Zirə" öz meydanında "Araz-Naxçıvan"ı qəbul edəcək.
Turnir cədvəlində qonşu olan kollektivlərin oyunu maraqla gözlənilir. Rəşad Sadıqovun "qartallar"ı qalib gələcəyi halda 3-cü pillədə qərarlaşan Naxçıvan təmsilçisi ilə aradakı xal fərqini minimuma endirəcək. Elmar Baxşıyevin çalışdırdığı komanda səfərdən 3 xalla dönəcəyi təqdirdə isə mövqeyini bir qədər də yaxşılaşdırıb 2 yerə yüksələ bilər.
Qeyd edək ki, Rauf Cabarovun idarə edəcəyi oyunun start fiti saat 19:00-da səslənəcək.
Misli Premyer Liqası
3-cü turdan təxirə salınmış oyun
19:00. "Zİrə" - "Araz-Naxçıvan"
Hakimlər: Rauf Cabarov, Eyyub İbrahimov, Asiman Əzizli, Kamran Əliyev
VAR: Nicat İsmayıllı
AVAR: Kamran Bayramov
Hakim-inspektor: Ramil Diniyev
AFFA nümayəndəsi: İlham Əliyev
Zirə. İdman Kompleksinin stadionu
