Idman.biz
"Hələ heç nə bitməyib".
İdman.biz AZƏRTAC-a istinadən xəbər verir ki, bu sözləri Macarıstanın "Ferensvaroş" komandasının futbolçusu Jombor Qruber UEFA Çempionlar Liqasının pley-off mərhələsində "Qarabağ"a 1:3 hesabı ilə uduzduqları ilk oyundan sonra deyib.
O, məğlubiyyəti şərh edib: "Üçüncü qolun qarşısını almaq olardı, təəssüf ki, bacarmadıq. Hesab 1:2 olanda biz heç-heçəyə can atırdıq. Səfər oyununda daha erkən qol vurmaq istəyirik. Daha yaxşı olduğumuzu göstərməliyik".
Qeyd edək ki, komandalar arasında cavab qarşılaşması avqustun 27-də Tofiq Bəhramov adına Respublika Stadionunda keçiriləcək.
İdman.biz
