Sport24.az
"Neftçi"nin baş məşqçisi Roman Qriqorçuk Mustafa Sekin transferinə münasibət bildirib. Sport24.az xəbər verir ki, ukraynalı mütəxəssis klubun rəsmi saytına açıqlamasında Seneqal əsilli ispaniyalı futbolçunun "Neftçi"ni gücləndirə biləcək keyfiyyətlərə sahib olduğunu dilə gətirib:
"Çox şadam ki, Mustafa Sek sıralarımıza qatıldı. Onu çoxdan izləyirdik. Mustafa əsas transfer hədəflərimizdən biri idi. O, "Neftçi"ni gücləndirə biləcək keyfiyyətli və təcrübəli futbolçudur. Müdafiəçinin hazırda yaxşı formada olması da məni sevindirir. Buna görə də ümid edirəm ki, komandaya uyğunlaşmaq üçün çox zamana ehtiyacı olmayacaq".
Qeyd edək ki, Mustafa Şəkinin "Neftçi"yə keçəcəyinə dair xəbəri ilk olaraq Sport24.az yayıb. 28 yaşlı futbolçuyla 3 illik müqavilə imzalanıb.
