Sport24.az
Misli Premyer Liqasının 1-ci turunda "Neftçi" - "Turan" matçında hesab açılmadı. Sport24.az xəbər verir ki, meydan sahiblərinin baş məşqçisi Roman Qriqorçuk görüş başa çatdıqdan sonra mətbuat konfransı keçirib.
- Bərabərə qaldıq. Pozitiv nəticə deyil. Hesabdan razı deyiləm. Özümə hesabat verirəm ki, böyük adı olan tarixi klub evdə oynayırsa, qələbə qazanmalıdır. Bu yöndə də işləyəcəyik.
- Oyundan necə, razı qaldınız?
- Deyə bilmərəm ki, yaxşı ya pis oynadıq, amma nəticədən narazıyam. Pis oynamadıq. Qalib gəlsəydik, fərqli danışardıq.
- Son 5-6 dəqiqədə təzyiqi artırdınız. Bunu son 20 dəqiqə ərzində etmək olmazdı?
- Biz bunu 90 dəqiqə etmək istəyirdik. Razıyam ki, bütün oyunu bu cür oynamaq lazımdı. Xüsusilə, evdə oynayanda.
- 6 ildən sonra Azərbaycanda hansı dəyişikliyi hiss etdiniz?
- Bu müddət ərzində heç vaxt özümü Azərbaycandan kənarda hiss etməmişəm. Tez-tez jurnalistlərlə ünsiyyətim olurdu.
- Qazonu gördükdən sonra peşman olmadız?
- Bu stadionu çox sevirəm. "Qəbələ" ilə burda oynayanda fərqli vəziyyəti görürdük. Çox tənqid etməyəcəm.
Rüstəm Əfsərli: "Hava çox isti olduğu üçün vəziyyət bu cür idi. Ayın sonunadək vəziyyət müsbətə doğru dəyişəcək".
- Hücum xətti barədə fikriniz...
- İstərdik ki, heyətə yeni qan qataq. Belədə, rəqabət artacaq. Bu addımları atdıqdan sonra daha effektiv görünəcəyik.
