Idman.biz
"Çelsi"nin sabiq baş məşqçisi Qrem Potter İsveç yığması ilə razılığa gəlib.
İdman.Biz xəbər verir ki, ingiltərəli mütəxəssis tezliklə İsveç millisinin baş məşqçisi ola bilər.
"Çelsi", "Brayton" və "Vest Hem"in keçmiş çalışdırıcısı artıq İsveç Futbol Federasiyası ilə şəxsi müqavilə şərtləri üzrə razılıq əldə edib.
50 yaşlı mütəxəssis İsveç futboluna yaxşı bələddir. O, 2011–2018-ci illərdə "Estersund" klubunu çalışdırıb və komandanı aşağı divizionlardan Avropa kuboklarına qədər yüksəldib.
Potterin təyinatı ilə bağlı rəsmi açıqlamanın yaxın günlərdə verilməsi gözlənilir.
