Sport24.az
"Mançester Yunayted"in səhmlərinin yeni investorlara mümkün satışı ilə bağlı xəbərlərin fonunda "The Times"in jurnalisti Şarlot Danker məsələ ilə bağlı sosial media hesabında paylaşım edib. Sport24.az xəbər verir ki, xanım jurnalist hazırkı sahiblərin klubu düzgün qiymətə satacaqlarına ümid etdiyini vurğulayıb:
"Qleyzerlərin bütün klubu satması ehtimalı var. Düşünürəm ki, onlar ağıllı addım atıb, vəziyyəti düzgün qiymətləndirəcəklər".
Xatırladaq ki, dünən Səudiyyə Ərəbistanında böyük qlobal idman tədbirlərinin təşkilinə cavabdehlik daşıyan, ölkənin Baş Əyləncə İdarəsinin sədri Turki Əl-Şeyx özünün Facebook səhifəsində "Mançester Yunayted"in yeni investorla danışıqlar apardığını bildirib.
Qeyd edək ki, Qleyzerlər 2005-ci ildən "Mançester Yunayted" Futbol Klubunun sahibi olan Amerika ailəsidir. Alqı-satqıda əsas fiqur amerikalı iş adamı Malkolm Qleyzer olub. 2014-cü ildə Malkolmun ölümündən sonra isə nəzarət onun övladlarına, xüsusən də klubun idarəçiliyində əsas rol oynayan Coelu və Avram Qleyzerə keçib.
