Idman.biz
Azərbaycanla qonşu ölkələrdən Gürcüstan, İran, Türkiyə və Rusiya "Qızıl top-2025" üçün səs vermək hüququna malik idilər.
İdman.biz-in məlumatına görə, Gürcüstan jurnalisti Vahtanq Bzikadze birinci yerə Xviça Qveratsxeliyanı, ikinci yerə Usman Dembeleni, üçüncü yerə isə Lamin Yamal seçib. Rusiyalı nümayəndə Konstantin Kleşçov isə birinci yerə Dembeleyə, ikinciyə Yamala, üçüncü yerə isə Canluici Donnarummaya səs verib.
İranda Siyamək Rəhmani birinci yeri Yamal, ikinci yeri Rafinya, üçüncü yeri isə Dembeleyə verib. Türkiyə jurnalisti Fatih Doğan isə Vinisius Junior, Rodri və Hakan Çalhanoğlu seçib.
Beləliklə, region ölkələrinin səsverməsində xüsusilə Lamin Yamal və Usman Dembele diqqət çəkib, çünki onlar bir neçə ölkənin top-3-lüyünə düşüblər.
Qeyd edək ki, Azərbaycan bu dəfə səsvermədə iştirak etməyib, çünki ölkəmiz FIFA-nın top-100 reytinqinə daxil deyil.
Teymur Tuşiyev
