Sport24.az
Avropanın ən yaxşı bombardirinə verilən "Qızıl buts" mükafatı uğrunda mübarizə qızışır. "Bavariya"nın hücumçusu Harri Keyn həftəsonu göstərdiyi performansla ən yaxın izləyicisi Kilian Mbappe ilə arasındakı fərqi artırıb. Sport24.az "Marca"ya istinadla xəbər verir ki, ingilis forvard Bundesliqanın son turunda "Verder"ə qarşı oyunda (3:0) dubl edərək qollarının sayını 26-ya çatdırıb.
Onun ən yaxın izləyicisi, "Real"ın hücumçusu Kilian Mbappe isə "Real Sosyedad"la matçda (4:1) meydana çıxmayıb.
Qeyd edək ki, liqaların səviyyəsinə görə, hər qol xüsusi əmsala vurulur. Ötən mövsüm bu mükafatı 31 qolla Kilian Mbappe qazansa da, hazırda Keyn 26 qolla (52 xal) zirvədə qərarlaşıb.
Hazırda mükafat uğrunda yarışan futbolçuların xal ardıcıllığı aşağıdakı kimidir:
1. Harri Keyn ("Bavariya") – 52
2. Kilian Mbappe ("Real") – 46
3. Erlinq Holand ("Mançester Siti") – 44
4. İqor Tyaqo ("Brentford") – 34
5. Vedat Muriqi ("Malyorka") – 32
6. Vangelis Pavlidis ("Benfika") – 30
7. Darko Lemayiç (RFS) – 29
8. Luis Suares ("Sportinq") – 28.5
9. Meyson Qrinvud ("Marsel") – 28
10. Lautaro Martines ("İnter") – 28
