Sport24.az
"Evdə oynayırıq və qələbəyə köklənmişik".
Bunu Sport24.az saytına açıqlama verən "Zirə"nin kapitanı Qismət Alıyev söyləyib. O, UEFA Konfrans Liqasının III təsnifat mərhələsində keçiriləcək "Zirə" - "Osiyek" oyunu ilə bağlı gözləntilərini bölüşüb:
"Hamımız çox həyəcanlıyıq. Bizim komandada bir-birimizə paxıllıq yoxdu. Mən müdafiəçiyəm və meydanda bəlli işim var. Əksinə mənə xoşdur ki, hücumameyilli oyunçularımız daha çox qol vursun. Hər bir futbolçu komandasına uğur qazandırmaq istəyər. Amma bu gün üçün əsas olan mənim fərqlənməyim yox, "Osiyek" səddini keçməkdi. Evdə oynayırıq və qələbəyə köklənmişik. Hamımız yumruq kimi bir olub döyüşməli və 90 dəqiqə sonra sevinən tərəf olmaq istəyirik".
Qeyd edək ki, bu gün saat 20:30-da başlayacaq qarşılaşma "Liv Bona Dea Arena"da oynanılacaq. Cütün qalibi pley-offda Kipr təmsilçisi "Omoniya" ilə üz-üzə gələcək.
ABDULLA İSMAYILOĞLU
