Idman.biz
Qırğızıstan millisinin futbolçusu Coel Koco portuqaliyalı ulduz Kriştiano Ronaldo ilə görüşü barədə danışıb.
İdman.biz xəbər verir ki, bu, Qana əsilli forvardın ilin ilk yarısında İranın "Esteqlal" klubunda çıxış etdiyi zaman Asiya Çempionlar Liqasında baş verib.
Koco "Lights Podcast" verilişində deyib: "Mən Kriştiano Ronaldo ilə görüşmək istəyirdim. Komandam Asiya Çempionlar Liqasında "Əl-Nəsr"ə qarşı oynamalı idi. Kriştianonu görmək istəyirdim. Biz onunla qarşılaşdıq və bu, gözəl bir an idi. Oyundan sonra o, mənə formasını verdi. Mənim üçün çox xoş oldu.
Mən Qanada olanda namaz qılırdım və dua edirdim ki, Kriştiano ilə qarşılaşım, ona qarşı oynayım. Allahdan çox istədim: "Mən Kriştianonu görmək istəyirəm". Və bax, mən onu gördüm".
İdman.biz
