Sport24.az
"Hansı klubdan təklif aldım və niyə imtina etdim, bu barədə danışmaq istəmirəm. Mən tərəfdən qeyri-etik olar". Bu sözləri Sport24.az saytına açıqlamasında MOİK-in sabiq baş məşqçisi Qəzənfər Abbasov deyib.
Mütəxəssis bu yaxınlarda klubların birindən təklif alsa da, geri çevirdiyini bildirib:
"Hansısa klubdan iş təklifi gəlsə, ilk növbədə büdcəsinə və şəraitinə baxıb qərar verə bilərəm. Qarşısına məqsəd qoyan komandanı çalışdırmaq istəyirəm. Həm I, həm də II Liqa təmsilçiləri ilə görüşümüz olub. Ancaq tələsik qərar vermək istəmirəm. Hər xırda detalı ətraflı düşünmək lazımdır ki, sonra peşman olmayasan".
Qeyd edək ki, Abbasovun sonuncu klubu MOİK olub. O, bu ilin martında öz istəyi "hərbiçilər"dən ayrılıb.
