Idman.biz
II Liqanın XII turunun açılış oyununda dünən səfərdə "Ağstafa Gəncləri"ni 1:0 hesabı ilə məğlub edən "Qaradağ Lökbatan" xallarının sayını 33-ə çatdıraraq ən azı 1 günlük şəriksiz liderliyə yüksəldi.
Qəsəbə təmsilçisinin baş məşqçisi Qəzənfər Abbasov oyun barədə fikirlərini fanat.az-a bölüşüb:
"Meydanın durumunun yaxşı olmadığını öncədən bilirdik. Orada ardıcıl üç ötürmə etmək müşkül məsələdir. Palçıqda mübarizə apardıq. Rəqib də təbii ki, evdə uduzmaq istəmir, müqavimət göstərirdi. İstənilən halda, qol vura bildik. Hesabı açandan sonra da fərqlənmək imkanlarımız oldu. Amma söylədiyim kimi, meydanın vəziyyəti futbolçulara əlavə problemlər yaratdı. Biz topla oynayan kollektivik. Bu qarşılaşmada məcburiyyətdən uzun ötürmələrə üstünlük verdik. Rəqib də bu tərzdə oynayırdı. Meydan amili hər iki tərəfi belə oyuna məcbur etdi. Yenə şükürlər olsun ki, qələbə qazana bildik. Belə desəm, bu oyunda bir yox, iki rəqibimiz var idi. "Ağstafa Gəncləri" və bərbad meydan. Futbolçularımı və klub rəhbərliyini təbrik edirəm. Qış fasiləsinədək daha iki oyunumuz var. Bu matçlarda da qələbə qazanıb fasiləyə lider qismində yollanmaq istəyirik".
