Sport24.az
"Hazırlıq prosesi əvvəlcədən tərtib etdiyimiz plan üzrə gedir. Düşərgəmiz yeni oyunçular cəlb etmişik. Son mövsümü "İrəvan"da keçirən "Neftçi"nin yetirməsi Vüsal Əsgərovu transfer etmişik". Bu sözləri Sport24.az-a açıqlamasında MOİK-in baş məşqçisi Qəzənfər Abbasov deyib.
Gənc mütəxəssis I Liqanın püşkatmasını da dəyərləndirib: "Yeni mövsümün ilk turunda "Mingəçevir"lə qarşılaşacağıq. Əslində açılış turunda kimin bizə rəqib olması önəmli deyildi. Biz hansısa komandaya görə yox, 10 aylıq marafona hazırlaşmışıq. Bizi çox çətin mövsüm gözləyir. Ötən mövsüm yol verdiyimiz səhvlərdən nəticə çıxarıb uğurlu çıxış etmək və çempion olmaq istəyirik. Çempionatın startına qədər daha iki yoxlama görüşü keçirəcəyik. "Difai Ağsu" və "Hypers Quba" ilə qüvvəmizi sınayacağıq".
Qeyd edək ki, I Liqada yeni mövsümə sentyabrın 11-də start veriləcək.
