Sport24.az
"Barselona"nın La Liqada 2024/2025 mövsümünün ikinci hissəsi üçün qeydiyyatdan keçə bilməyən futbolçusu Dani Olmonun komandadan ayrılacağı ilə bağlı xəbərlər yayılıb. Sport24.az xəbər verir ki, ispaniyalı yarımmüdafiəçinin agenti Endi Bara isə futbolçunun Kataloniya klubundan getmək fikrində olmadığını açıqlayıb.
"Başqa klublarda seçim mümkündürmü? "Barselona" birinci və son variantdır. Dani, atası, bütün ailəsi, mən - heç birimiz hansısa başqa variantları düşünmürük" - deyə o bildirib.
Qeyd edək ki, "Barselona" Olmonu 2024-cü ilin yayında 55 milyon avroya "Leyptsiq"dən alıb. Kataliniya klubu Olmo və "Jirona"dan alınan Pau Viktoru yalnız 2024-cü ilin sonuna kimi qeydiyyatdan keçirə bilib.
Geridə qalan altı ay ərzində Olmo bütün yarışlarda 15 oyun keçirib, altı qol vurub və bir məhsuldar ötürmə edib.
