Idman.biz
Qətər millisi seçmə oyunda evdə BƏƏ-ni məğlub edərək 2026-cı ildə keçiriləcək futbol üzrə dünya çempionatına vəsiqə qazanıb.
İdman.Biz bildirir ki, Əl-Rayyanda keçirilən A qrupunun dördüncü turunun oyunu 2:1 hesabı ilə başa çatıb.
Qətərdən Boualem Huhi (49-cu dəqiqə) və Pedro Migel (74) fərqlənib. BƏƏ-nin qoluna Sultan Adil Alamiri (90+8) imza atıb. 89-cu dəqiqədən etibarən Tarek Salmanın meydandan qovulmasından sonra Qətər 10 nəfərlə qalıb.
İspan Xulen Lopeteqinin rəhbərlik etdiyi Qətər 4 xal qazanaraq A qrupunun qalibi olub. Komanda 2026-cı il dünya çempionatında çıxış edəcək. Qətər son dünya çempionatına ev sahibliyi edib.
Dünya çempionatına vəsiqə qazanmaq şansını hələ də saxlayan və pley-offda çıxış edəcək BƏƏ A qrupunda ikinci yerdə qərarlaşıb. Oman isə bir xalla üçüncü olub.
Bu günədək 24 komanda DÇ-2026-ya vəsiqə qazanıb: Avstraliya, Paraqvay, Kolumbiya, Ekvador, Braziliya, Uruqvay, ABŞ, Mərakeş, Meksika, Tunis, Misir, Kanada, Əlcəzair, Yaponiya, Qana, Kabo-Verde, Yeni Zelandiya, İran, Argentina, Özbəkistan, Cənubi Koreya, CAR, İordaniya.
Turnirdə ümumilikdə 48 komanda iştirak edəcək.
