Sport24.az
Bu gün keçiriləcək 2 oyunla Misli Premyer Liqasında mövsüm başa çatacaq. Sport24.az xəbər verir ki, son oyun günündə iki qarşılaşma baş tutacaq.
Günün ilk görüşü Tovuzda keçiriləcək. "Turan Tovuz" "Kəpəz"i qəbul edir. Meydan sahibləri üçün qərb derbisi o qədər əhəmiyyət daşımır. Kurban Berdıyevin komandasının nəticədən asılı olmayaraq çempionatı 4-cü pillədə başa vuracağı ötən turdan müəyyənləşib. Qonaqların isə 8-ci olmaq şansı var. "Sarı-göylər" bu gün 3 xal qazanacağı halda turnir cədvəlində bir pillə irəliləyə bilər.
Qeyd edək ki, oyunun start fiti saat 17:00-da səslənəcək.
Misli Premyer Liqası
IV dövrə, XXXVI tur
17:00. "Turan Tovuz" - "Kəpəz"
Hakimlər: Fərid Hacıyev, Vüsal Məmmədov, Rəhman İmami, Kamran Əliyev
VAR: Əliyar Ağayev
AVAR: Akif Əmirəli
Hakim-inspektor: Anar Salmanov
AFFA nümayəndəsi: İlham Əliyev
Tovuz. Şəhər stadionu.
