İdman.biz
"Bu cütün şansını əlli-əlliyə hesab edirəm. Növbəti oyunda nə baş verəcəyini daha ətraflı görəcəksiniz".
İdman.biz xəbər verir ki, bunu Çempionlar Liqasının III təsnifat mərhələsinin ilk oyunları çərçivəsində keçirilən "Qarabağ" - "Lüdoqorets" (Bolqarıstan) matçından sonra təşkil edilən mətbuat konfransında qonaq komandanın baş məşqçi Qeorqi Dermendjiev deyib.
Təcrübəli mütəxəssis "Qarabağ"ın hücuma atılmasından istifadə etdiklərini bildirib: "Qarabağ" daha çox hücum edirdi, bu zaman müdafiədə boşluq yaranırdı. Bu da bizə qol vurmağa şans yaratdı. Futbolçumuzun ayağı sınıb, buna görə məyusam. Cütün taleyi hələ həll olunmayıb. Hazırda cavab matçın srategiyasını tam açıqlaya bilmərəm".
"Lüdoqorets"in baş məşqçisi bir futbolçunun qırmızı vərəqə alması, birinin isə zədələnməsini ciddi itki adlandırıb: "İki oyunçunun olmaması ciddi itkidir. Əlbəttə, onları əvəz edəcək futbolçularımız var. Cavab matçında üstünlüyümü qorumağa çalışacağıq".
Qeyd edək ki, "Lüdoqorets" Bakıdakı matçda 2:1 hesabı ilə qələbə qazanıb.
Aytac Sahəd
İdman.biz
