Qələbəyə Baxmayaraq: İngilis Azarkeşləri Tomas Tuxeli Tənqid Edirlər, İsteafasını Tələb Edirlər

İngiltərə yığması 2026-cı il dünya çempionatının seçmə mərhələsində "Villa Park" stadionunda Andorranı 2:0 hesabı ilə məğlub edib.

İdman.biz xəbər verir ki, buna baxmayaraq, azarkeşlər oyunun inandırıcı keçdiyini hesab etməyiblər.

Sosial şəbəkələrdə azarkeşlər İngiltərənin baş məşqçi Tomas Tuxelin işinə kəskin reaksiya göstəriblər. Bir istifadəçi X hesabında yazıb: "Tuxelin vaxtında İngiltərəni izləmək, hətta Sautgeytin dövründən də betərdir. Onu vəzifəsindən uzaqlaşdırın".

Digər tamaşaçı komandanın oynunu izləməyin darıxdırıcı olduğunu vurğulayıb. Başqa bir fanat qeyd edib ki, yığmanın qarşılaşmadakı taktikasında nə hiylə var, nə yaradıcılıq, nə də sürət: "Hətta Andorra belə onların fonunda ləyaqətli göründü".

Daha sərt şərhlərdə alman mütəxəssisin istefası açıq şəkildə tələb olunub. Tənqidlərə baxmayaraq, Tuxelin rəhbərliyi altında İngiltərə seçmə mərhələdə dörd rəsmi oyunun hamısında qalib gəlib. Yığma ümumi hesabda 8 qol vurub, qapısından top keçirməyib. Lakin iyunda Seneqala 1:3 hesabı ilə uduzması komandanın hələ ideal səviyyədən uzaq olduğunu göstərib.

İngiltərənin növbəti oyunu çərşənbə axşamı Serbiyaya qarşı olacaq. Bu görüş Tuxel üçün ciddi sınaq sayılır. Alman mütəxəssisin əsas məqsədi komandani 2026-cı il dünya çempionatına uğurlu çıxış üçün hazırlamaqdır.

Qeyd edək ki, Andorra ilə qarşılaşmanın 25-ci dəqiqəsində Kristian Qarsiya avtoqola imza atıb, daha sonra üstünlüyü Deklan Rays möhkəmləndirib.

İdman.biz