Sport24.az
Ölkələrin UEFA reytinqində dəyişikliklər olub. Sport24.az xəbər verir ki, buna avrokubokların III təsnifat mərhələsinin cavab oyunlarının ilk gününün nəticələri səbəb olub. Çempionlar Liqası, Avropa Liqası və Konfrans Liqasında baş tutan matçlar Azərbaycanın da mövqeyinə təsir edib. "Qarabağ" qitənin ən nüfuzlu klub turnirində "Lüdoqorets"ə qalib gəlib – 7:2.
Bolqarıstandakı qazanc ölkəmizə 0,250 xal gətirib. Hazırda xal hesabımız 18,750-dir. Amma bu qazanca baxmayaraq, Azərbaycan bir pillə geriləyib. Buna İsveçin sıçrayışı səbəb olub. Ölkəmiz hazırda Avropada 25-cidir.
Cari mövsümün qazancı 2,000-ə bərabərdir. Ölkə reytinqi üçün "Zirə" 0,875, "Qarabağ" 0,750, "Sabah" 0,250, "Sumqayıt" 0,125 xal əldə edib. Cədvələ İngiltərə başçılıq edir – 89,160 xal.
