Idman.biz
"Baş məşqçimizə təşəkkür edirəm ki, mənə inanıb şans verdi. Debütümün "Qarabağ" kimi komandaya qarşı oyunda baş verdiyi üçün ikiqat sevincliyəm. Öz üzərimdə işləyib, komandama daha çox faydalı olmağa çalışacağam".
Bu sözləri futbolinfo.az-a açıqlamasında "Qəbələ"nin futbolçusu Qədir Ramazanov (fotoda 17 nömrə – red.) deyib.
18 yaşlı oyunçu Misli Premyer Liqasının VI turunda "Qarabağ"a qarşı görüşün 89-cu dəqiqəsində meydana çıxması ilə bağlı fikirlərini bölüşüb: "Öz üzərimdə çalışırdım və inanırdım ki, bir gün baş məşqçi şans tanıyacaq. Çox xoşbəxtəm. Hədəfim milli komandaya yüksəlməkdir. Ümid edirəm ki, özümü yaxşı tərəfdən göstərərək buna nail olacağam".
Ramazanov "Qarabağ"la görüş barədə də fikirlərini bölüşüb: "Oyun ağır keçdi. Ağır olacağı da gözlənilən idi. Komanda olaraq yaxşı müdafiə olunduq, sadəcə bəxtsizlikdən qollar buraxdıq. Qırmızı vərəqə planlarımızı pozdu. Buna baxmayaraq, növbəti oyunlara hazırlaşacağıq. "Qarabağ" kimi komandaya qarşı xal itkisi bizə psixoloji təsir etməyəcək. Qarşıdakı oyunlarda yaxşı nəticə göstərərək xal ehtiyatımızl artırmağa çalışacağıq".
