İdman.biz
"Qəbələ"nin futbolçusu Eşqin Əhmədov Türkiyədə əməliyyat olunub.
İdman.biz xəbər verir ki, bu barədə "Qəbələ"nin mətbuat xidməti məlumat yayıb.
19 yaşlı yarımmüdafiəçi menisk və ön çarpaz bağ bərpası ilə bağlı cərrahi müdaxiləyə məruz qalıb.
Əhmədovun Türkiyədə gerçəkləşən əməliyyatı uğurlu keçib. Durumu yaxşı olan futbolçu 2 gündən sonra ölkəmizə qayıdıb reabilitasiyaya start verəcək.
Qeyd edək ki, I Liqada VI turun "Qəbələ" – "İmişli" oyununda (0:0) zədələnən Eşqində menisk yırtığı, ön çarpaz bağ qopması aşkarlanıb.
İdman.biz
