İdman.biz
"Qəbələ" tarixində 700-cü rəsmi matçı keçirəcək.
İdman.biz xəbər verir ki, bunu klubun mətbuat xidməti açıqlayıb.
Bölgə təmsilçisi I Liqanın III turunda "Mingəçevir"lə görüşəcək. Qəbələ şəhər stadionunda keçiriləcək görüş "qırmızı-qaralar" üçün yubileylə əlamətdar olacaq.
Komanda tarixinin 700-cü matçına çıxacaq. İndiyədək 699 oyun keçirən "Qəbələ" Premyer Liqada 540, ölkə kubokunda 85, avrokuboklarda 42, I Liqada 32 qarşılaşmada qüvvəsini sınayıb.
"Qırmızı-qaralar" bu matçlarda 283 qələbə qazanıb, 177 heç-heçə edib və 239 dəfə uduzub. 900 qol vuran komanda 794 top buraxıb.
Qeyd edək ki, "qırmızı-qaralar" tarixində ilk oyunu 2005-ci il sentyabrın 21-də "Şərur"a qarşı keçirib. Komanda I dəstənin ev görüşündə 8:0 hesabı ilə qalib gəlib.
İdman.biz
