Sport24.az
Misli Premyer Liqasının XX turuna Qəbələdə yekun vurulacaq. Sport24.az xəbər verir ki, bölgənin eyniadlı təmsilçisi "Sabah"ı qonaq edir.
Meydan sahibləri autsayderlər arasında yer alsa da, qonaqları səfərdə heç də asan oyun gözləmir. Hazırda "Qarabağ"dan cəmi 1 xal irəlidə olan qonaqların əsas məqsədi Qəbələdən 3 xalla dönməkdir. Valdas Dambrauskasın yetirmələrinin bunu bacarıb-bacarmayacağı 90 dəqiqənin sonunda məlum olacaq. "Kəpəz"in dünən məğlub olması isə "qırmızı-qaralar"ın işinə yaraya bilər. Kaxaber Tsxadadzenin komandasının təhlükəli zonadan bir qədər də uzaqlaşması üçün 3 xal üçün mübarizə aparacağı heç kimdə şübhə doğurmur.
Qeyd edək ki, XXI turun görüşləri fevralın 20-də start götürəcək.
Misli Premyer Liqası
II dövrə, XX tur
17:00. "Qəbələ" - "Sabah"
Hakimlər: Rauf Cabarov, Eyyub İbrahimov, Şirmamed Mamedov, Rəşad Əhmədov
VAR: Kamranbəy Rəhimov
AVAR: Elvin Bayramov
Hakim-inspektor: Babək Quliyev
AFFA nümayəndəsi: Elçin Mehtiyev
Qəbələ. Şəhər stadionu.
