Report.az
"Qəbələ" Azərbaycan I Liqasında çempionluğu rəsmiləşdirsə, Peşəkar Futbol Liqası (PFL) tərəfindən bu gün İmişlidə mükafatlandırılacaq.
Bu barədə "Report"a PFL-in Media və marketinq direktoru Sənan Abdullayev məlumat verib.
Kaxaber Sxadadzenin baş məşqçisi olduğu kollektiv İmişlidə şəhərin eyniadlı komandası ilə qarşılaşacaq. "Qırmızı-qaralar" qələbə qazanacağı təqdirdə, xallarının sayını 58-ə yüksəldəcək. Bu da qalan 5 turun nəticəsindən asılı olmayaraq, çempionluq üçün kifayət edəcək.
Qeyd edək ki, "Qəbələ" hazırda 55 xalla turnir cədvəlində liderdir. Komandanın ən yaxın izləyicisi "Karvan"ın 39 xalı var. Yevlax təmsilçisi bu gün Bakıda MOİK-in qonağı olacaq.
