Sport24.az
Misli Premyer Liqasının XIII turuna Qəbələdə yekun vurulacaq. Sport24.az xəbər verir ki, bölgənin eyniadlı təmsilçisi "Araz-Naxçıvan"ı qonaq edir.
Bu görüş ərəfəsində Naxçıvan klubu 20 xalla 6-cı, "qırmızı-qaralar" 5 xalla 11-ci sıradadır. Sonuncu dəfə 8-ci tur çərçivəsində keçirilən "İmişli" ilə görüşdə aktivinə 1 xal yazıdran "qırmızı-qaralar" bu qarşılaşmadan qalib ayrılsa, turnir cədvəlində mövqeyini bir qədər yaxşılaşdıra, təhlükəli zonadan uzaqlaşa bilər. Qələbə sayəsində Kaxaber Tsxadadzenin yetirmələri "Kəpəz"i ötüb 10-cu pilədə qərarlaşacaq. Qonaqlar isə avrokubok zonasından uzaq düşməmək üçün səfərdən qalibiyyətlə qayıtmalıdır.
Qeyd edək ki, 14-cü tura noyabrın 8-də start veriləcək.
Misli Premyer Liqası
II dövrə, XIII tur
16:30. "Qəbələ" - "Araz-Naxçıvan"
Hakimlər: Kamal Umudlu, Vüsal Məmmədov, Namiq Hüseynov, Əkbər Əhmədov
VAR: Rauf Cabarov
AVAR: Kamran Əliyev
Hakim-inspektor: İmanxan Sultani
AFFA nümayəndəsi: Namiq Əliyev
Qəbələ. Şəhər stadionu.
