Idman.biz
Qazaxıstan 2028 və 2029-cu illərdə Avropa Konfransı Liqasının final oyunlarına ev sahibliyi etmək üçün müraciət edib.
İdman.Biz bu barədə UEFA-nın rəsmi saytına istinadən məlumat verir.
Astana və Almatıdakı stadionlar məkan kimi qəbul edilsə də, yekun müraciətə yalnız bir arena daxil ediləcək.
Avropa Futbol Assosiasiyaları İttifaqı (UEFA) 2028 və 2029-cu illərdə Çempionlar Liqası, Avropa Liqası, Avropa Konfrans Liqası və Qadınlar Çempionlar Liqasının final oyunlarına ev sahibliyi etmək üçün 15 milli assosiasiyadan müraciət aldığını açıqlayıb.
Fransa (Lill, "Stade Pierre Mauroy"), Macarıstan (Budapeşt, "Puşkaş Arena"), İtaliya (Turin, "Yuventus" stadionu) və Polşa (Qdansk, "Arena Qdansk") da 2028 və 2029-cu il Avropa Konfransı Liqasının final oyunlarına ev sahibliyi etmək üçün mübarizə aparır. Finlandiya (Helsinki, "Olimpiya" Stadionu) 2029-cu ildə turnirin finalına ev sahibliyi etmək istəyir.
