Idman.biz
Azərbaycan Futbol Federasiyaları Assosiasiyası (AFFA) Qazax şəhər stadionunun vəziyyəti ilə bağlı yerində baxış keçirib.
İdman.biz İdmanxeber.az-a istinadən xəbər verir ki, federasiya nümayəndələri stadionun infrastrukturu ilə yaxından tanış olub və mövcud vəziyyəti dəyərləndiriblər.
Baxış zamanı stadionun uzunmüddətli icarəyə götürülməsi və genişmiqyaslı yenidənqurma işlərinin aparılması məsələsi gündəmə gəlib. AFFA-nın planına görə, kompleks müasir standartlara uyğun şəkildə təmir ediləcək, azarkeşlər üçün rahat şərait yaradılacaq və bölgədə futbolun inkişafı üçün əhəmiyyətli bir idman infrastrukturu formalaşdırılacaq.
Layihə çərçivəsində meydanın örtüyünün yenilənməsi, tribuna və soyunub-geyinmə otaqlarının təmiri, həmçinin işıqlandırma və təhlükəsizlik sistemlərinin quraşdırılması nəzərdə tutulur.
İdman.biz
