Lent.az
"Barselona"nın yarımmüdafiəçisi Gavi ağır zədə səbəbindən 2025-ci ilin sonuna qədər meydana çıxmayacaq.
Lent.az xəbər verir ki, 21 yaşlı ispan futbolçu menisk əməliyyatı keçirib. Ona medial menisk zədəsini aradan qaldırmaq üçün artroskopiya olunub və menisk tikilib.
Oyunçunun bərpa müddətinin təxminən 4-5 ay olacağı bildirilir. Bu məlumat "blauqrana"ların rəsmi X sosial şəbəkə səhifəsində paylaşılıb.
Bu mövsüm Gavi klub səviyyəsində bütün turnirlərdə cəmi iki oyun keçirib və bir qol ötürməsi ilə yadda qalıb.
Ötən mövsümdə isə o, müxtəlif turnirlərdə 42 oyunda iştirak edib, 3 qol vurub və 3 qol ötürməsi edib.
