Sport24.az
İtaliya millisinin baş məşqçisi Cennaro Qattuzo 2026-cı il Dünya Kuboku pley-off oyunu ilə bağlı gözləntilərini bölüşüb. Sport24.az xəbər verir ki, 47 yaşlı mütəxəssis Şimali İrlandiyaya qarşı keçirəcəkləri görüş haqda danışıb:
"Şimali İrlandiya fiziki cəhətdən güclü komandadır. Özü də, heç vaxt təslim olmurlar. Mübarizə aparmalı olacağıq, bunu üç aydır deyirəm. Bilirdik ki, biz pley-off mərhələsini keçməliyik. Bu, təkmilləşdirməli olduğumuz bir yoldur, amma gələcəyə inamla baxırıq".
Pley-off yarımfinalında İtaliya Şimali İrlandiyanı qəbul edəcək. Oyun martın 26-da İtaliyada keçiriləcək. "Mavilər" qalib gələrsə, martın 31-də keçiriləcək finalda səfərdə Uels - Bosniya və Herseqovina görüşünün qalibi ilə üz-üzə gələcək.
