Sport24.az
"Atalanta"nın baş məşqçisi Can Pyero Qasperini futbolçusu Ademola Lukmanı tənqid edib. Sport24.az xəbər verir ki, mütəxəssis Çempionlar Liqasında "Brügge"yə 1:3 hesabı ilə uduzduqları oyundan (ilk oyun 1:2) sonra keçirilən mətbuat konfransında matçı şərh edərək deyib:
"Ademola Lukman gördüyüm ən pis penalti zərbəsini vuran oyunçulardan biridir. O, qol vurduqdan sonra penaltini də vurmaq istədi və topu götürdü. Baxmayaraq ki, Retegi və De Ketelare var idi... Lukmanın etdiyi xoşuma gəlmədi".
Qeyd edək ki, "Atalanta"nın həmin matçda vurduğu yeganə qolun müəllifi Lukman olub.
