Sport24.az
"Çelsi" "Mançester Yunayted"in cinah hücumçusu Alexandro Qarnaçonun transferi ilə bağlı danışıqlarda irəliləyiş əldə edib. Sport24.az xəbər verir ki, bu barədə insayder Fabrizio Romano məlumat yayıb.
Buna London klubunun rəhbərliyi ilə Mançester təmsilçisinin icraçı direktoru Omar Berrarda arasındakı yaxşı münasibətlər kömək olur.
Mənbənin məlumatına görə, son 48 saat ərzində Qarnaço "Bavariya"nın təklifini rədd edib. Argentinalı vinger yalnız "Çelsi"yə keçmək istəyir.
Qeyd edək ki, ötən mövsüm Qarnaço bütün turnirlərdə 58 oyunda meydana çıxıb, 11 qol vurub və 10 məhsuldar ötürmə edib. Onun "Mançester Yunayted"lə müqaviləsi 2028-ci ilin yayına qədər nəzərdə tutulub.
