Sport24.az
İngiltərə millisinin keçmiş futbolçusu Qari Lineker AÇ-2024-də Danimarka ilə oyundan sonra (1:1) Qaret Sautqeytin komandasını tənqid edib. Sport24.az "goal.com"-a istinadən xəbər verir ki, veteran futbolçu millini yanlış taktika seçməkdə günahlandırıb:
"Bu tam axmaqlıqdır. Biz bunu başqa turnirlərdə də görmüşük. Komanda hesabda önə keçir, sonra onun oyunu kəskin dəyişir. Onlar qol vururlar və bu hesabı qorumağa çalışırlar. Onlara fərqli oynamağı öyrətmək olarmı?"
Qeyd edək ki, İngiltərə AVRO-2024-ün qrup mərhələsinin iki turundan sonra 4 xal toplayıb və turnir cədvəlinin birinci pilləsində qərarlaşıb. Sautqeytin yetirmələri 3-cü turda Sloveniya ilə qarşılaşacaq.
