Sport24.az
"Nyukasl"ın 18 yaşlı yarımmüdafiəçisi Levis Miley yay transfer pəncərəsində klubu tərk edə bilər. Sport24.az xəbər verir ki, bu barədə insayder Fabrizio Romano məlumat yayıb.
Onun sözlərinə görə, "Nyukasl"da gərgin rəqabət səbəbindən oynamaq şansı tapmaqda çətinlik çəkən yarımmüdafiəçiyə İngiltərə Premyer Liqası və Almaniya Bundesliqa klubları ciddi maraq göstərir.
Miley bu mövsüm bütün turnirlərdə 16 matçda iştirak edib və 2 məhsuldar ötürmə ilə yadda qalıb.
Mileyin "sağsağanlar"la müqaviləsi 2029-cu ilə qədərdir. "Transfermarkt" futbolçunu 22 milyon avro qiymətləndirir.
