Sport24.az
"Real"ın və Uels millisinin keçmiş hücumçusu Qaret Beyl Uels klubunu Premyer Liqaya qaytarmaq arzusu ilə "Kardiff Siti"ni almaqda maraqlı olduğunu təsdiqləyib. Sport24.az xəbər verir ki, bu barədə veteran futbolçu "Goal"a açıqlama verib:
"Bu, mənim məqsədlərimdən biridir. Mən Uelsdənəm və "Kardiff" azarkeşlərinin öz klubu haqqında nə qədər ehtiraslı olduqlarını bilirəm. İstənilən komandanın arzusu Premyer Liqaya düşməkdir. Əlbəttə, bu, çox çətin işdir, amma mən buna mütləq cəhd edəcəm".
Qeyd edək ki, mətbuatda Beylin "Kardiff" üçün 40 milyon funt-sterlinq təklif etdiyi barədə xəbərlər yayılmışdı. Lakin klubun sahibi Vincent Tan təklifi rədd etmiş, bu məbləğin az olduğunu bildirmişdi. "Real"ın keçmiş hücumçusunun konsorsiumu bu dəfə Tana yeni, daha sərfəli təkliflə çıxış edib.
